توصیف لیکونه

د نچرل سټون د مدیریت ټیم له غړو سره په ۲۰۱۷ کال کې د هندوستان په راجستان ایالات کې په یوه نندارتون کې د ګډون پر مهال آشنا شوم. ما د ډبرو پروسس د یو پرمختللي مرکز د رامنځته کولو په اړه د دوی پلانونه واورېدل، او په بشپړه لېوالتیا مې له نظریې تر بشپړېدو، په کابل کې د ډبرینو تختو او تایلونو د تولید د دوو پرمختللو فابریکو د جوړېدو په اړه د دوی خبرې تعقیب کړې. د ۲۰۱۹ کال په نومبر میاشت کې مې په کابل کې د نچرل سټون کمپنۍ له مرکزي دفتر څخه لیدنه وکړه ترڅو د دوی د تولید څانګې ماشیني کول (میکانیزه کول) ووینم او د لوژستیکي بازار موندنې د پلان جوړونې او د صادراتو په بازار کې د خرڅلاو پراختیا لپاره د یاد شرکت پر چمتوالي خبرې اترې وکړم. د دې لیدنې په ترڅ کې، له هغه څه چې مې په کابل کې ولیدل اغیزمن شوم او د نچرل سټون د ډبرینو تختو او تایلونو د دوو عصري فابریکو د تولیدي ظرفیت او د دوی د کیفیت لرونکو محصولاتو په اړه له پوهاوي مې الهام واخیست. له فابریکو څخه د کتنې پر مهال مې دا فرصت درلود ترڅو په شخصي توګه د نچرل سټون کمپنۍ د ډبرو پروسس دا مرکزونه وڅېړم او د نوموړې کمپنۍ پر موخو او سوداګریز لید پوه شم. جزئیاتو ته په کتو، د یادې کمپنۍ پلان جوړونه له ورایه د نویو غوره او کم مصرفه ایټالوي ماشین آلاتو په نصب کې څرګنده وه. دا تاسیسات، چاپیریالي اغېزو ته په ځانګړي پاملرنې ډیزاین شوي ول. د فاضله موادو (پاتې شونو) د سالم مدیریت د پلان جوړونې او انجنیرۍ په ترکیب سره، د هغې چاپیریالي اغېزې کمې شوې دي. د نچرل سټون شرکت فلسفه د کارکوونکو د مسلکي چلند پر بنسټ ټینګار کوي نو ځکه د عصري روغتیايي او خوندي کاري چاپیریال لپاره د کارکوونکو پرمختللي نړیوال معیاري روزنیز پروګرامونه پلي شوي. دا تاسیسات به نچرل ستوڼ کمپنۍ د دې جوګه کړي ترڅو د افغانستان د مرمر، تراورتین او رُخامو هغه ډبرې پروسس کړي چې له خپلو درې کانونو یې استخراجوي. درېیمګړې نړیوالې انجنیرۍ په لابراتواري آزموینو کې د کمپنۍ بېلګې کتلي او تایید کړې ده چې د یادې کمپنۍ دغه ډبرین محصولات په ټوله نړۍ کې د ډبرو د زېرمو تر ټولو په غوره هغو کې شامل دي. نوموړې کمپنۍ داسې د باور وړ او کم مصرفه لوژستیکي خدمات رامنځته کړي ترڅو د نورو ورته برنډونو په پرتله په رقابتي لګښت خپل تولیدات تر نړیوالو مارکېټونو ورسوي. د محصولاتو زیرمتونونه او د وېشلو شبکې اوسمهال د کمپنۍ مدیریت له لوري د جوړېدلو په حال کې دي. د نچرل سټون کمپنۍ مسلکي کړندود، د پلانولو جزئیات، مدیریتي وړتیاوې، او سوداګریز لیدلوری د کمپنۍ راتلونکې بریا تضمینوي. د دې کتنې تر ټولو د پام وړ اغېز چې پر ما پاتې دی، هغه سلګونه مسلکي کاري فرصتونه دي چې یاد تاسیسات یې رامنځته کوي او د افغانستان خلک به په کې وګومارل شي. په دغه هېواد کې چې د طبیعي زېرمو له اړخه غني دی، دا یو حیرانوونکی او ستر اقتصادي پرمختګ دی. « د نچرل سټون کمپنۍ ټول ټیم ته د ترسره شویو چارو او د راتلونکې بریا مبارکی وایم.»